Молитвы святому великомученику Георгию

Молитвы великомученику Георгию

Великомученик Георгий Победоносец
(память 23 апреля, 3, 10, 26 ноября по старому стилю)

           Молитва первая

О всехвальный, святый великомучениче и чудотворче Георгие! Призри на ны скорою твоею помощию, и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие, и во всем изобилие, и да не во зло обратим благая, даруемая нам тобою от Всещедраго Бога, но во славу святаго имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати Престолу Господа Славы. Услыши ны, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость, со ангелы и архангелы и всеми святыми одесную Правосудного Судии стати, и Того выну славити со Отцем и Святым Духом, ныне и присно, и во веки веков. Аминь.

Молитва вторая

Святый, славный и всехвальный великомучениче Георгие! Собраннии в храме твоем и пред иконою твоею святою поклоняющийся людие, молим тя, известный желания нашего ходатаю, моли с нами и о нас умоляемаго от своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих врагов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.

Тропарь, глас 4

Подвигом добрым подвизался еси, страстотерпче Христов Георгие, и веры ради обличил еси мучителей нечестие: жертва же благоприятна Богови принеслся еси. Темже и венец приял еси победы, и молитвами, святе, твоими, всем подаеши прегрешений прощение.

Ин тропарь, глас той же

Яко пленных свободитель, и нищих защититель, немощствующих врач, царей поборниче, победоносче великомучениче Георгие, моли Христа Бога, спастися душам нашим.

Тропарь, глас 4 (На освящение церкви вмч. Георгия в Киеве)

Днесь блажат тя мира концы, Божественных чудес исполншеся, и земля радуется, напившися крове твоея. Христоименитии же людие града Киева освящением Божественнаго храма твоего радостию возвеселишася, страстотерпче Георгие, сосуде избранный Святаго Духа, угодниче Христов. Егоже моли с верою и мольбою приходящим во святый твой храм дати очищение грехов, умирити мир и спасти души наша.

Кондак, глас 4

Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши: страдальчествовав же кровию, Христа приял еси: и молитвами, святе, твоими, всем подаеши прегрешений прощение.

 СВ. ВЕЛИКОМУЧЕНИКУ И ПОБЕДОНОСЦУ ГЕОРГИЮ

Великий Георгий, Предстатель небесный,

Целитель всех нужд и печалей, и ран!

Ты - Русской Державы Защитник чудесный,

Ты - слава героев и вождь христиан.

Твое, Божий Воин, прославлено имя

Величьем страданий во имя Христа;

Своею любовью, делами своими

Ты всех покоряешь святыне Креста.

Услышь нас, молящихся, грешных собратий,

Гонимых, позоримых русских людей,

Разрушь злой совет инородческих ратей,

Избавь нас от козней продажных вождей.

Видна Тебе лютая наша тревога,

Ты знаешь, что многих корысть увлекла

И многие наши забыли про Бога

И стали рабами кромешного зла.

Рассей, о Георгий, соблазны измены,

Взыщи обезумевших блудных сынов

И к нам возврати их из вражьего плена,

Спаси, вразуми их, о Воин Христов!

Мы молим Тебя на коленях, рыдая -

Явись, Благодатный Герой, с небеси

С чудесным советом к Царю Николаю

И с Ним усмири всяк язык на Руси!

О сжалься, Георгий, над Русской Державой

И прежнюю силу подай Ты ей вновь

И снова затепли с немеркнущей славой

В сердцах наших веру, надежду, любовь!

Лев Катанский

(Впервые опубликовано 23 апреля 1906 г. в газете "Русское знамя")